Pas aksionit të shembjes së Teatrit Kombëtar, orët e para të mëngjesit të sotëm, qindra qytetarë kanë vijuar të qëndrojnë pranë zonës, në shenjë proteste për këtë akt të qeverisë dhe Bashkisë së Tiranës.
Ata kanë zgjedhur të ulen këmbëkryq shumë pranë parkut “Rinia”.
Kujtojmë që ky vend lidh rrugën “Myslym Shyri” me Bulevardin “Dëshmorët e Kombit”.
Edhe pse drejtori i Policisë Tiranë Rebani Jaupaj ka dhënë urdhër që rruga duhet të lirohet, protestuesit nuk e kanë zbatuar urdhërin duke u mbledhur dhe ulur këmbëkryq në tokë.
Pjesa më e madhe e tyre janë të rinj në moshë, ashtu siç dallohet edhe nga pamjet.
Policia vazhdon të negociojë me protestuesit të cilët i kanë pritur me ovacione, në shenjë kundërshtie.
