LIGJET E BIZNESIT
Ish-kampioni i botës në Formula Uno Michael Schumacher prej kohësh është në gjendje jo të mirë shëndetësore, që prej aksidentit që pësoi në Meribel më 29 dhjetor 2013, ku u rrëzua duke bërë ski.
Që prej asaj dite familja e ish-pilotit gjerman u bë shumë hermetike, duke mbrojtur privatësinë e tij dhe duke shmangur informacionet që mund të dilnin.
Ndërkohë së fundmi, shoku i skuadrës së Schumacherit, Felipe Massa ka folur në një intervistë për Fox Sports duke zbuluar detaje nga gjendja e kampionit.
“Unë e di se si është Michael, kam informacion të drejtpërdrejtë për gjendjen e tij. Marrëdhënia ime me të ka qenë gjithmonë shumë e ngushtë, me gruan e tij Corinna më pak, pasi rrallë vinte në gara. Ne e dimë që situata e tij nuk është e lehtë. Lutem çdo ditë që të mund të përmirësohet. Ai po kalon një fazë delikate, por ne duhet ta respektojmë atë, siç bëra me familjen e tij. Ata nuk u pëlqen të zbulojnë ndonjë informacion, kështu që pse duhet ta bëj atë? “, deklaroi ai duke i tronditur të gjithë.
Gjithashtu Massa ka folur dhe për Mick Schumacher, djalin që po ndjek hapat e babait me qëllim që të futet dhe ai në botën e madhe të Formula Uno.
“Unë ëndërroj dhe lutem çdo ditë që Michael të përmirësohet dhe të shohë djalin sesi garon. Kjo do të ishte diçka e bukur. Lutjet e mia shkojnë për shëndetin e tij.”, rrëfeu ndër të tjera Felipe Massa.
