Çfarë e lidh vrasjen e dy vëllezërve në Durrës me grabitjen ne Rinas? Hetuesit zbulojnë detajet e forta

Detaje të reja vijojnë të dalin në lidhje me ekzekutimin e dy vëllezërve Besmir dhe Viktor Haxhia në Durrës.

Mësohet se nga arrestimi i Altin Ndocit dhe Klevis Allës,  të dyshuar si autorë të vrasjes, ka sjellë që prokurorët të kenë në dorë materiale që lidhen me ngjarje të tjera që kanë ndodhur në Shqipëri më parë.

Sipas informacioneve nga grupi hetimor bëhet me dije se vrasja e vëllezërve Haxhia, pasditen e 29 prillit, mund të mos ketë ndodhur për drogë as për borxhe, por për shkak të grabitjes së bujshme të Rinasit.

Dyshohet se vëllezërit Haxhia strehuan njërin nga personat që ka marrë pjesë në grabitjen e 5 milionë eurove në pistën e aeroportit.

Mendohet se ata kishin dijeni për vendin ku ishin fshehur paratë dhe vrasja ka ardhur pikërisht për paratë e grabitura në Rinas,

Nga dëshmia e të penduarit Klevis Alla, hetimi ka zbuluar edhe lidhjen mes dy ngjarjeve, por deri më tani të dhënat që ka në dorë prokuroria po mbahen sekret.

Klevis Alla ka treguar se grupi që ai bënte pjesë është i përfshirë edhe në 4 ngjarje të tjera kriminale, duke përfshirë edhe vrasjen e Dorian Shkozës.