Basha gjobitet përsëri, shkoi te Teatri Kombëtar

Pa bërë ende 24 orë, kryedemokrati Lulzima Basha është gjobitur sërish. Këtë herë, Basha u gjobit pasi shkoi te Teatri Kombëtar.

Sipas njoftimit të policisë, Basha bashkë me sekretarin e PD-së Gazment Bardhi si dhe 38 persona të tjerë të cilët u grumbulluan për të mos lejuar shembjen e Godinës së Teatrit janë gjobitur për arsye se janë grumbulluar jashtë fashës orare të caktuar nga qeveria.

Kujtojmë që kjo është gjoba e dytë për kreun e PD-së pasi ditën e djeshme u gjobit për shkak se zhvilloi takim me bisnesmen të qytetit të Durrësit. Takim që u zhvillua në një local,  në periudhën që ende nuk është lejuar hapja e tyre.

Njoftimi i Policisë:
Policia e Tiranës, në vijim të monitorimit për zbatimin e masave kufizuese të përcaktuara në Aktin Normativ Nr. 3, datë 15.03.2020 “Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19”, pas orës 17:30 të datës 14.05.2020, ka konstatuar me shqetësim, grumbullimin e një grupi qytetarësh pranë Teatrit Kombëtar, shumë përtej fashës orare të qarkullimit dhe në shkelje të çdo rregulli të parashikuar nga Akti Normativ.

Në zbatim të Aktit Normativ, shërbimet e Policisë kanë proceduar me masat administrative përkatëse, gjobë dhe tërheqje të lejes së drejtimit, shtetasit:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

S.D., K. B., G. B., L. B., A. T., V. S., R. B., C. Gj., E. G., A. K., N. L., A. D., R. Z., E. B., A. T., L. S, G. G, A. N., P. Sh, E. K., M. C., R. Ç, Gj. U., F. K., I. S., R. V., B. H., A. F., A. Xh., R. H., D. K., F. S., D. H., A. R., A. Q., G. M., A. S., O. N., M. A. dhe O. H.

Policia e Shtetit apelon për të gjithë qytetarët, sidomos ata në zonat e kuqe që të respektojnë me rigorozitet oraret e lëvizjes dhe distancimin social dhe në këtë kuadër kërkon mirëkuptimin dhe ndihmën e qytetarëve në të gjithë vendin, që të kontribuojë secili në mbrojtjen e shëndetit nga kërcënimi i virusit vdekjeprurës COVID-19.

Policia e Shtetit do të vijojë me angazhim të plotë e vullnet të palëkundur veprimtarinë e vet ligjzbatuese, në mbrojtje të jetës dhe rendit publik në kushtet e jashtëzakonshme të fatkeqësisë natyrore