Banesën bosh e shfrytëzuan për kultivim kanabisi, dy në pranga në Kuçovë (Emrat)

Policia e Kuçovës njofton se dy persona janë vënë në pranga pasi akuzohen për kultivim të lëndëve narkotike. Ndërkaq, në kuadër të këtij operacioni të koduar “Diga”, në fshatin Demollarë u sekuestruan 100 kubikë me bimë narkotike.

“Ne pranga kanë rënë dy kultivuesit e bimës narkotike: Gerald Gjika (Klevis Sina),30-vjeç dhe Gentjan Bilishi, 37-vjeç, të dy banues në lagjen 1 Maji në qytetin e Kuçovës”, thuhet në njoftimin e policisë.

Ndërkaq, blutë e Kuçevës thonë se ishin njoftuar se këta dy shtetas posedonin kultivimin e bimëve narkotike. Ndërsa, banesa e vjetër ku u gjetën 100 kubikët me cannabis ishte në pronësi të dajës së Geraldit, i cili  jeton në Greqi. Kjo sipas policisë i ka favorizuar të rinjtë për ta përdorur banesën për kultivim të bimëve narkotike.

Materialet proçeduariale në ngarkim të tyre i kaluan Prokurorisë së Rrethit Gjyqësor Berat, për veprat penale: “Kultivim i bimëve narkotike” e kryer në bashkëpunim.