Ish-presidenti, Bamir Topi ka treguar se në emisionin “Kjo Javë” në news24 se ka një mënyrë për të larguar kryeministrin Rama nga pushteti.
Sipas Topit, ai e di këtë mënyrë dhe mund të arrihet vetëm përmes realizimit të reformës zgjedhore që është në hapat e saj final.
Gjithashtu Topi deklaroi se fakti që palët kanë vënë në datë fikse, pra 31 majin si përfundimin e Reformës Zgjedhore ky është një gabim sepse i kushtëzon ata.
Pyetje: Çfarë duhet të bëhet që Edi Rama të largohet nga pushteti?
Topi: Shumë e thjeshtë. Edi Rama largohet me atë tryezë që po bëhet sot te Pallati i Kongreseve. Një Reformë Zgjedhore gjithë përfshirëse. Një koalicion i madh mbi bazën e parimeve, jo përfitimeve. Do të jap kaq, apo aq karrige.
Rama rrëzohet vetëm në këtë mënyrë. Përndryshe duke thënë që me Gjiknurin nuk ulemi dhe shkojnë e ulen, thonë që do bëjnë ndryshim dhe nuk e bëjnë, thonë do bëjnë transparencë dhe nuk bëjnë, unë se di.
Rama rrëzohet tek tavolina që po bëhet sot te Pallati i Kongreseve. Fakti që këta e lidhin me një datë fikse, 31 maj është një gabim i madh. Në mënyrë reciproke i nxjerrin njeri –tjetrit armën e dobët.
