Ditën e sotme Policia e Durrësit ka arrestuar një 58-vjeçar, dhe ka shpallur në kërkim djalin e tij pasi të dy akuzohen për kultivim të bimëve narkotike.
Sipas asaj që thuhet në njoftimin zyrtar të uniformave blu, efektivët e Policisë gjatë kontrollit të ushtruar në terren kanë konstatuar fidanë kanabisi në një zonë të pyllëzuar në fshatin Sallmone të Shijakut.
Më pas u arrestua në flagrancë 58-vjeçari me iniciale B.M., ndërsa në kërkim u shpall djali i tij 29-vjeçar, i identifikuar si P. M.
NJOFTIMI ZYRTAR I POLICISE
Durrës
Vijon kontrolli masiv në terren, për parandalimin e kultivimit të bimëve narkotike.
Tentuan të kultivonin bimë narkotike, vihet në pranga 58-vjeçari dhe shpallet në kërkim djali i tij.
Shërbimet e Komisariatit të Policisë Shijak, në vijim të kontrollit të territorit për parandalimin dhe goditjen e tentativës për kultivim të bimëve narkotike, arrestuan në flagrancë shtetasin B. M., 58 vjeç, si dhe punohet për kapjen e shtetasit P. M., 29 vjeç (babë e bir), banues në Shijak, Durrës.
Shërbimet e Policisë, gjatë kontrollit të ushtruar në fshatin Sallmone, Shijak, në një zonë të pyllëzuar, gjetën fidanë të dyshuar cannabis sativa.
Nga veprimet e para hetimore dhe informacionet e marra në rugë operative dyshohet se babë e bir janë autorë të tentativës për kultivim të bimëve narkotike.
Materialet i kaluan Prokurorisë së Rrethit Gjyqësor Durrës, për veprën penale “Kultivimi i bimëve narkotike”.
