Asnjë forcë politike nuk e konkurron Partinë Socialiste. Kështu është shprehur ish-ministri i jashtëm Ditmir Bushati në një intervistë për RTV Ora.
Bushati ndër të tjera, u shpreh se fakti që PS sot s’ka konkurent, nuk duhet t’i vetkënaq socialistët, përkundrazi
“E konsideroj PS organizatën dhe familjen time. Besoj se demokracia partiake, demokracia institucionale mund te shëndoshet me tej vetëm me një debat të hapur dhe të sinqertë. Në mendimin tim nuk ka një forcë konkurruese ndaj PS, por kjo nuk mund të na bëjë që të ndihemi të vetëkënaqur, që të mos kemi nevojë për një debat të ndershëm brenda radhëve tona”, u shpreh Bushati.
Ndërkohë, ish-ministri ka thënë se do të vazhdojë të jap kontributin e tij në Partinë Socialiste.
“Unë do të vazhdoj që të shërbej në PS. Por si për çdo forcë politike, për më tepër kur je në qeverisje nuk ke imunitet absolut për fenomenet unë kam folur. Besoj se kontributi im në PS do të vazhdojë dhe jam gjithashtu i vlerësuar për çështjet që unë kam patur pikëpyetjet e mija janë trajtuar qoftë heshturazi apo në mënyra të tjera”, shtoi ai.
