Ambasadori gjerman: Vështirë ta kuptoj shembjen e teatrit në kohë pandemie

Ambasadori gjerman në Shqipëri, Peter Zingraf ka reaguar pas aktit të shembjes së teatrit kombëtar sot në mëngjes.

Përmes nje video mesazhi Peter Zingraf thotë se nuk arrin do të kuptojë nxitimin për ta prishur godinën.

Sipas diplomatit gjerman duhej të kishte dialog dhe një vendim i tillë në kohë pandemie është akoma dhe më pak i kuptueshëm.

“Shembja e nxituar e Teatrit Kombëtar në Tiranë agimin e ditës së sotme në atë formë, që e pamë, është për mua e vështirë për t’u kuptuar. Pikërisht në situatën aktuale të jashtëzakonshme dialogu mes qeverisë dhe shoqërisë civile si dhe sjellja transparente e qeverisë janë veçanërisht të rëndësishme. Ky zhvillim më shqetëson edhe më shumë nisur nga konteksti i luftës kundër pandemisë së virusit Corona, duke qenë se grumbullimet e njerëzve të ndodhura deri tani dhe ato të pritshme mund të sjellin hapa pas. U bëj thirrje të gjithë aktorëve për dialog dhe vetëpërmbajtje”, thuhet në deklaratën e ambasadorit, Peter Zingraf.