LIGJET E BIZNESIT
Në disa qytete të vendit, Autoriteti Kombëtar i Ushqimit (AKU) ka ushtruar disa kontrolle. Në bazë të kontrolleve të ushtruara, AKU zbuloi se një pjesë e bizneseve ne Shkodër, Berat, Fier dhe Dibër nuk kanë plotësuar protokollet e sigurisë.
Në bizneset e këtyre qyteteve AKU ka hasur; mungesën e xhamit mbrojtës, mungesën e sinjalistikës për distancimin fizik, si dhe afishimin e posterave, por mësohet se ato nuk janë gjobitur sipas Aktit Normativ të hyrë në fuqi, por janë këshilluar.
Ndër të tjera, në njoftimin e AKU-së thuhet se janë kryer 390 kontrolle zyrtare dhe monitorime. Ndërsa në Korçë është asgjësuar një sasi prej 100 kg kos si dhe 50 kg djathë kaçkavall.
Më tej AKU-ja njofton se në Tiranë është bërë asgjësimi i 4.5 ton produkteve ushqimore, por me kërkesë të vetë subjekteve. Ndër të tjera, AKU-ja ka marrë masën administrative “Paralajmërim” ndaj një subjekti.
Ndërkohë, në kuadër të Planit të Mostrave, janë marrë 16 mostra produktesh ushqimore (domate, kastravecë, patate dhe speca) për analizim laboratorik.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
