Aksion i befasishëm/ Policia zbarkon në Nikël, nisin kontrollet e shumta në zonë

Një aksion i befasishëm i policisë u zhvillua sot në Nikël të Krujës.

Mësohet se aty marrin pjesë forca policie të shumta të komisariatit të Krujës, drejtorisë së Policisë Durrës, Drejtoria e Përgjithshme e Policisë së Shtetit, të cilët kanë nisur kontrollin për drogë në sera dhe tunele.

Sipas informacioneve në fokus të këtij operacioni është gjetja dhe asgjësimi i fidanëve të kanabisit dhe kapja e personave të shpallur në kërkim.

Ende nuk dihet nëse është gjetur ndonjë lëndë e tillë apo sasia e sekuestruar, dhe as nëse është kryer ndonjë arrestim.

Kontrolle të shumta po kryhen në sera dhe në tunele në fshatrat e Krujës, që janë zona ku janë pikasur edhe më parë fidanë të mbjellë kanabisi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se gjatë muajve të fundit ka pasur një numër të madh të zjarrvëniene, të dyshuara si të qëllimshme përhapjen e parcelave të kanabisit.