Një aksion i befasishëm është zhvilluar së fundmi nga policia e Krujës, ajo e Durrësit dhe FNSH Tiranë.
Mësohet se ky operacion vjen në kuadër të zbulimit dhe parandalimit të kultivimit të bimëve narkotike në zonat e Krujës, ku u zhvilluan dhe kontrolle të shumta.
Gjithashtu, policia ka përdorur dronë për të kontrolluar territorin.
Si rezultat i kontrolleve me dronë, në Krastë, Picrragë, Nikël e Barkanesh u evidentuan dhe u shkatërruan 59 lera të ndërtuara me plastmasë, të cilat shërbenin për të grumbulluar ujë, me qëllim kultivimin e bimëve narkotike.
Po ashtu, policia bën të ditur se po nga monitorimi me dronë dhe kontrolli me këmbë i territorit u evidentuan dhe 41 vende që ishin hapur rishtas në zona të pyllëzuara dhe malore të Krujës, me qëllim kultivimin e bimëve narkotike.
