Aksident në Tiranë/ Makina përplas një person me biçikletë, dërgohet me urgjencë në spital

Një aksident i rëndë është shënuar mëngjesin e sotëm në Tiranë.

Ngjarja ka ndodhur në kryqëzimin mes rrugës “Bardhyl” dhe “Hoxha Tasim”.

Mësohet se një 87 vjeçar që po lëvizte me biçikletë është përplasur nga një makinë, ku për pasojë i moshuari është dëmtuar dhe është dërguar urgjent  për në spital.

Policia ka mbërritur në vendin e ngjarjes dhe po vijon puna për zbardhjen e rrethanave të aksidentit.

NJOFTIMI ZYRTAR I POLICISE

Më datë 22.05.2020, rreth orës 07:27, në rrugën “Bardhyl” në kryqëzim me rrugën ‘Hoxha Tasim”, mjeti me drejtues shtetasin B.Ll., ka aksidentuar tek vijat e bardha biçiklistin F.Rr., 87 vjeç, i cili ndodhet në spital, nën kujdesin e mjekëve.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.