Një aksident automobilistik ka ndodhur sot në mesditë te “Rruga e Kavajës” në Tiranë.
Mësohet se dy makina janë përplasur me njëra-tjetrën, dhe për pasojë ka mbetur e lënduar një grua me iniciale A.R dhe foshnja e saj.
Të dyja janë dërguar në spital dhe ndodhen nën kujdesin e mjekëve.
Ndërkohë ende nuk dihen shkaqet e aksidentit.
NJOFTIMI ZYRTAR I POLICISE
Më datë 11.05.2020, rreth orës 12:40, në rrugën e ‘Kavajës”, , mjeti me drejtues shtetasin J.M.,është përplasur me mjetin me drejtues shtetasin E.M. Si pasojë e aksidentit kanë mbetur të dëmtuar pasagjerët në mjet shtetasja A.R dhe foshnja e saj të cilët ndodhen në spital, nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
