A do të ketë izolim në shtëpi pas orës 17:30 edhe në muajin qershor?

Ende nuk ka një datë të saktë se kur vendi unë do të hapet plotësisht, është shprehur ministrja e Shëndetësisë Ogerta Manastirliu.

Në një lidhje për emisionin “Opinion”, e pyetur nga gazetari Blendi Fevziu, nëse Shqipëria do të vijojë e izoluar në shtëpi pas orës 17:30 edhe në muajin qershor, ministrja tha se kjo gjë mbetet për t’u parë në javët në vijim, në bazë të kurbës së infeksioneve, numrit të viktimave dhe shtrimeve në spitale.

Fevziu: Kur do të kemi një hapje të plotë të vendit?

Manastirliu: Ende nuk ka një datë të caktuar, nuk mund ta themi një datë fikse, pasi çdo gjë do të shihet në vijim. Nëse gjërat vijnë duke u përmirësuar, atëherë edhe hapja do të jetë gradualisht më e madhe. Data 11 maj do të na japë një pasqyrë të kurbës. Shtrimet në spital po ashtu. Nëse do kemi ulje të shtrimeve në spital, dhe nëse situata do të konsiderohet e menaxhueshme, hapja do vijë graduale.

Fevziu: A do të ketë izolim në shtëpi pas orës 17:30 edhe në muajin qershor?

Manastirliu: Kjo nuk mund të thuhet, pasi ne po vlerësojmë statistikat. Siç e thashë, po bëhen plane afatshkurtra, jo afatgjatë. Me këtë lloj virusi nuk mund të planifikojmë masa lehtësuese 1 muaj pas. Do e shohim në vijim, pas 11 dhe 18 majit, do të vendosim edhe se çfarë do të bëjmë në qershor./Opinion/