A do të jepet paga e luftës për muajin e dytë dhe të tretë? Ja si përgjigjet ministrja Denaj

Mbrëmjen e sotme, ministrja e Ekonomisë Anila Denaj ka thënë se për shkak të Covid-19 kanë dalë të papunë 57 mijë qytetarë. Sipas ministres, në fund të muajit pritet që ky numër të kap shifrën e 60 mijë të papunëve.

Në një lidhje në emisionin “Zonë e Lirë”, ministrja u pyet dhe për pagën e luftës prej 260 mijë lekësh të vjetra, nëse ajo do të jepet dhe për muajin e dytë dhe të tretin.

“Ne kemi dhënë pagën e prillit dhe pagën e majit. Disa, të pagës së dytë janë 63 mijë që e kanë marrë. Sigurisht, ata që kanë konfirmuar, numrat e llogarisë që mund të jenë me problematika, nuk është problem i qeverisë. 63 mijë persona që e kanë marrë muajin e dytë dhe do ta marrin muajin e tretë edhe po të hapet ekonomia nesër”, ka thënë ministrja Denaj.