Janë zbardhur më shumë detaje nga ekzekutimi i 2 vëllezërve me origjinë nga Puka por me banim në Spitallë të Durrësit.
Mësohet se një prej vëllezërve është dhe i diplomuar në Fakultetin Juridik të Durrësit.
Besmir Haxhia është biznesmen pasi ka një kompani karrotrecësh kurse Viktor Haxhia është diplomuar nëFakultetin Juridik të Durrësit dhe ka licencë avokatie.
Autorët e krimit iu kanë prerë rrugën dy vëllezërve, që udhëtonin me makinën e tyre, dhe i kanë qëlluar me breshëri plumbash. Autorët kanë pasur qëllim t’i vrisnin të dy vëllezërit.
Ndërkohë, në vendngjarje kanë mbërritur forca të shumta policore, të cilat kanë gjetur një numër të madh gëzhojash.
Ndërkohë dy pistat që po dyshohet për vrasjen kanë të bëjnë të dyja me Besmir Haxhian. Ai ishte biznesmen dhe e para është për shkak të ndonjë borxhi kurse e dyta për ndonjë konflikt biznesi për shkak se ai kishte kompani karrotrecës.
