Zbardhen detajet e mbledhjes së Parlamentit të enjten, Ruçi iu bën deputetëve një kërkesë të vëçantë

Në mbledjen e Konferencës së Kryetarëve është përcaktuar edhe axhenda e seancës plenare të ditës së enjte, e para pas shpërthimit të infeksionit të koronavirusit në Shqipëri. Në bazë të vendimit të marrë në këtë mbledhje, 70 minuta diskutim do i ketë në dispozicion maxhoranca, ndërsa 50 minuta do të jenë për opozitën.

Është vendosur gjithshtu që nga java tjetër vazhdojnë të gjitha mbledhjet e komisioneve parlamentare, të cilat do të zhvillohen online.

Ndër të tjera, kreu i Kuvendit, Gramos Ruçi i ka kërkuar depueteve që të tregojnë kujdes në gjuhën e përdour, duke ruajtur etikën, por edhe të kenë një pozicion të përshtatshëm për kamerën, duke qenë se do të jenë në pika ku nuk janë ulur zakonisht.

Gjithashtu të gjithë deputetët duhet të shkojnë në sallën plenarë me maska dhe doreza. Para se të hyjnë, atyre do iu bëhet matja e temperaturës dhe dezinfektimi

Njoftimi:

Të nderuar deputetë jashtë grupeve parlamentare!

Sikurse Jeni njoftuar, dje është mbledhur Konferenca e Kryetarëve e cila miratoi programin e punës, kalendarin e punimeve të Kuvendit si dhe grafikun e zhvillimit të mbledhjeve të komisioneve parlamentare me anë të mjeteve të komunikimit elektronik.

Në Konferencën e Kryetarëve u diskutua edhe koha e diskutimeve, në përfundim të së cilës, në mbështetje të nenit 48, pika 3 të Rregullores, u ra dakort sa vijon:

Koha totale 120 minuta

Referuar përbërjes politike të Kuvendit kjo kohë ndahet si më poshtë:

70 minuta koha në dispozicion të shumicës;

50 minuta koha në dispozicion të pakicës.

Koha e pakicës referuar grupeve parlamentare ndahet:

15 minuta për çdo grup parlamentar (3 grupe x 15 minuta = 45 minuta)

5 minuta në dispozicion të deputetëve jashtë grupeve parlamentare.

Ju bëj me dije se po merren masat e nevojshme mbrojtëse të mëposhtme për deputetët dhe administratën në seancën plenare të datës 16 prill 2020, ora 10:00.

•       Në hyrje të Sallës së Seancave do të bëhet matja e temperaturës nga personeli mjekësore prezent ne sallë. Punonjësit e Administratës së Kuvendit do të pajisin deputetët me maska e doreza.
•       Në Sallën e Seancave do të jenë vetëm punonjësit e domosdoshëm të administratës të pajisur me maska dhe doreza.
•       Garda e Republikës do të jetë me numër të reduktur dhe të pajisur me maska dhe doreza.
•       Deputetët e pranishëm do të pozicionohen në sallë, llozhat anësore të katit të parë dhe katit të dytë si dhe galerinë e sipërme të sallës.

Seanca plenare do të transmetohet live nga TVSh e cila do të prodhojë sinjal për të gjitha televizionet.

Ju bëj me dije gjithashtu se mbledhjet e komisioneve parlamentare duke filluar nga java e ardhshme do të transmetohen drejtpërdrejtë on line në faqen zyrtare të Kuvendit në internet. Lidhur me këtë, Kryetari i Kuvendit në mbledhjen e Konferencës solli në vëmendjen e anëtarëve të Konferencës respektimin e rregullave të mëposhtme:

1-    Duhet të kihet kujdes e të ruhet etika në komunikim nga deputetët gjatë zhvillimit të mbledhjes online.

2-    Deputetët duhet të gjejnë një vend të përshtatshëm (sfondi) komunikimi gjatë zhvillimit të mbledhjes.

3-    Kryetari i komisionit ka të drejtë të përjashtojë nga mbledhja deputetin i cili nuk zbaton rregullat e mësipërme.

Dokumentacionin parlamentar për çështjet e planifikuara për seancën e datës 16 prill do ta merrni si gjithmonë me anë të postës elektronike.