LIGJET E BIZNESIT
Një krim i rëndë tronditi dje Lezhën, ku u ekzekutua rapsodi Kol Murrani dhe miku i tij Preng Simoni.
Policia ka arrestuar autorin e dyshuar i cili mësohet se është 41-vjeçari Aleksandër Përdoda, banor i fshatit Lalm.
Sipas hetimeve paraprake, rezulton se ai kishte konflikte pronësie për një tokë me Kol Murranin, i cili mendohet se është dhe shënjestra e këtij atentati.
Kujtojmë se ngjarja ndodhi pasditen e djeshme në fshatin Lalm të Vjetër në Lezhë.
Kol Murrani nuk rezulton me të shkuar kriminale dhe njihet nga shumë banorë të zones për shkak të angazhimeve të tij në muzikë si rapsod.
Kol Murrani bashkë me shokun e tij, Preng Simoni kishin dalë dje që në mëngjes për të shkuar tek shtëpitë e vjetra. Ata u gjetën në një kodër nga i biri i një prej viktimave që ka lajmëruar dhe Policinë. Kjo e fundit, pasi shkoi në vendngjarje, ka gjetur afër vendit të krimit edhe një motorr që dyshohet se i përket autorit të krimit, ndërsa në zonë është gjetur edhe një korrëse bari.
