Ditën e sotme gjykata e Tiranës ka dhënë vendimin për dy autorët e akuzuar për vrasjen e biznesmenit Memli Begalla në zonën e Ish-Bllokut në kryeqytet.
Kështu, Ardian Serezi u dënua me 25 vjet burg, ndërsa Denis Demiri u lirua nga akuzat pasi nuk kishte prova për të.
Prokuroria ka vendosur të pushojë hetimet për të pandehurit Ardian Serezi, ndërsa gjykata kërkon të rihetohet roli i tij. Serezi ka përdorur si alibi pas arrestimit faktin se në momentin kur ka ndodhur vrasja, ai thotë se ka qenë në xhami.
Ngjarja e rëndë ndodhi më 14 shkurt 2018, ku biznesmeni Memli Begalla u ekzekutua me një plumb në kokë.
Pas krimit, kamerat e sigurisë pranë një tuneli fiksuan dy persona të maskuar teksa largohehsin.
Prokuroria akuzoi fillimisht Serezin se ishte ai personi që e inskenoi vrasjen e Begallës për shkak të një konflikti mes tyre. “Hatërmbetja” mes Serezit, ish-polic dhe Begallës, lidhet me sasinë prej 1 tonë hashash që u kap në vitin 2014 në Tepelenë, në një kamion ku drejtues ishte Serezi.
Ish-polici u dënua me 6 vite, bëri vetëm 3.5 dhe doli me kusht nga burgu. dhe u lirua në 2018. Pasi u lirua, ai është takuar një ditë para vrasjes me Begallën duke i kërkuar edhe para. Mos mbajtja e premtimit nga biznesmeni ka qenë një nga pistat e hetimit ku prokuroria akuzoi Serezin, akuzë kjo që bie me vendimin e sotëm.
