Ditën e sotme janë vetëkarantinuar 5 mjekë dhe 5 infermierë të Spitalit të Traumës në Tiranë pasi patën kontakte me një pacient që rezultoi i prekur nga koronavirusi.
Bëhet fjalë për një qytetar nga Durrësi, i cili ishte shtruar te Trauma një ditë më parë pasi ishte përfshirë në aksident.
Ai iu nënshtrua testeve dhe rezultoi pozitiv, dhe më pas u transportua në Spitalin Infektiv.
Nga ana tjetër Ministria e Shëndetësisë u shpreh sot se situata në spitalin e Traumës ishte nën kontroll dhe ishin marrë masat.
Ndërkohë stafi mjekësor me mjekët dhe infermieret janë vetëkarantinuar në pritje të testeve për COVID19.
