Kryeministri i Britanisë, Boris Johnson të hënën do të rikthehet në punë në zyrën e tij.
Lajmin e ka bërë me dije vetë Johnson me anë te një mesazhi në rrjetin social “Twitter”, nga shtëpia e tij.
Kryeministri britanik shprehu falënderimet më të thella për të gjithë personelin mjekësor, që i shpëtoi jetën dhe që po vazhdojnë të luftojnë çdo ditë në vijën e parë të betejës me koronavirusin e ri, COVID-19.
“Është e vështirë të gjesh fjalët për të shprehur borxhin tim ndaj mjekëve, që më shpëtuan jetën. Së bashku do ta kapërcejmë këtë sfidë, pasi kemi kapërcyer aq shumë sfida në të kaluarën”, shkroi Johnson.
Kryeministri anglez në fillim të muajit prill kaloi në gjendje të vështirë shëndetësore për shkak të komplikacioneve që i shkaktoi virusi, por ia doli që ta përballojë dhe tashmë është me shëndet të plotë.
