U prek nga koronavirusi pak ditë më parë, ndërron jetë 13-vjeçari anglez

Një lajm i trishtë vjen këtë mëngjes nga Londra, ku një 13-vjeçar ka humbur jetën pas infektimit me COVID-19, duke u bërë kështu viktima e dytë më e re që humb jetën për shkak të këtij virusi.

Ismail Mohamed Abdulwahab, nga Brixton ndërroi jetë në Spitalin King’s College në Londër të hënën, ndërsa mamaja dhe familjarët nuk mundën t’i jepnin lamtumirën nga frika e infektimit nga virusi.

“Ai u vendos në një ventilator dhe më pas u fut në një gjendje kome të shkaktuar, por fatkeqësisht vdiq dje në mëngjes. Në dijeninë tonë ai nuk kishte probleme të tjera shëndetësore. Ne jemi të shkatërruar”- ka thënë një prej familjarëve të tij.

Sakaq mjekët kanë thënë se shkaqet e vdekjes së 13-vjeçarit ende nuk janë përcaktuar, pasi trupi i ndodhet në morg, ku po i bëhet autopsia.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern