Italia është shteti më i goditur nga pandemia e koronavirusit në Europë.
Ndërkohë mësohet se presidentja e Komisionit Europian Ursula Von der Leyen i ka kërkuar falje së fundmi Italisë me anë të një letre publike për La Reppublica.
Ajo shprehet se fillimisht kombet europiane u morën me problemet e tyre, dhe tani janë të gatshme për ta ndihmuar këtë shtet.
Sipas presidentes të Këshillit Europian, ky institucion nuk ka lënë gur pa lëvizur për ti qëndruar afër Italisë.
Gjithashtu ajo bën një premtim të fortë, ku thekson se Bashkimi Europian do të ndajë 100 miliardë euro ër shtete si, Italia, Spanja, Franca apo Gjermania, që do shkojnë për kompensimin e të papunëve.
“Sot Europa po mobilizohet përkrah Italisë. Fatkeqësisht, kjo nuk ka qenë e mundur më parë edhe për shkak të problemeve në shumë ‘vende të shtëpisë’. Në muajin e shkuar Komisioni Europian nuk ka lënë gur pa lëvizur për të ndihmuar Italinë, ndërsa çdo euro që është në buxhetin vjetor të BE-së, do përdoret për krizën”, thuhet ndër të tjera në letrën e Von der Leyen.
