Edhe pse vendi është në qetësi për shkak të situatës nga koronavirusi, mesa duket konfliktet nuk ndalojnë.
Konkretisht, përpara pak minutash janë shënuar të shtëna me armë zjarri në tzonën e Rradhimës në Vlorë.
Disa të rinj janë përleshur me njëri-tjetrit dhe më pas sherri ka degjeneruar deri në përdorimin e armëve të zjarrit.
Mësohet se njëri prej tyre ka mbetur i plagosur nga sherri pasi është goditur pas koke me qytën e pistoletës.
Sipas informacioneve autorët fillimisht kanë qëlluar në ajër dhe më pas njëri e ka goditur të riun pas koke.
Ngjarja ka ndodhur rreth orës 11.00 dhe policia ka identifikuar dy autorët dhe ka ngritur grupe për të bërë të mundur arrestimin e tyre.
NJOFTIMI ZYRTAR I POLICISE
Rreth orës 11:00, në aksin rrugorë Orikum-Vlorë, pranë vendit të quajtur “Nënstacioni i Radhimës” dyshohet se si pasojë e një konflikti ka mbetur i plagosur lehtë me sende të forta shtetasi D.K., 32 vjeç, banues në Radhimë dhe ndodhet jashtë rrezikut për jetën.
Policia ka identifikuar dy autorët e ngjarjes të cilët për arsye hetimi nuk bëhen të ditur për momentin.
Janë organizuar grupe të posaçme policore të cilat janë shpërndarë në qytet me qëllim kapjen e autorëve.
Sektori i Hetimit në bashkëpunim me Komisariatin Vlorë vazhdojnë hetimet e mëtejshme për sqarimin e rrethanave të ngjarjes.
