Tragjike/ Po merrte pjesë në konferencë, doktoresha bie nga kati i pestë i spitalit

Një ngjarje shumë e rëndë ka ndodhur së fundmi në Rusi.

Mësohet se një doktoreshë po merrte pjesë në një konferencë drejtuar shefave të saj pas ankesave të shumta për mungesën e veshjeve mbrojtëse të mjekëve gjatë pandemisë së COVID19.

Sipas informacioneve doktoresha e cila quhet elena Nepomnyashchaya, 47 vjeçe, po fliste në telefon me ministrin rajonal të Shëndetësisë në Krasnoyarsk, Boris Nemik, kur në mënyrë krejt të papritur, ra nga kati i pestë i spitalit.

Mediat vendase bëjnë me dije se tashmë ajo ndodhet në kujdes intensive, por mjekët refuzojnë të japin më shumë informacion për gjendjen e saj.

Ndërkohë edhe nënkryetari i qeverisë së rajonit Krasnoyarsk Aleksey Podkorytov tha se mund të ketë pasur të tjera arsye pse doktoresha ra, deri në shqetësime të saj familjare.

“Për shumë arsye mund të jetë rrëzuar. Mund të jetë stresi i përgjithshëm ose diçka në familjen e saj. Është ë vështirë të thuash se çfarë mund të ketë ndodhur, ne mund të bëjmë shumë konferenca rutinë por nuk ka ndodhur asnjëherë diçka e tillë”, u shpreh Aleksey Podkorytov.