“Takimet më të shpeshta i kishte me shefat”/ Klodiana Lala jep detajet: Polici i burgut 313 rezulton pozitiv me koronavirusin, kishte të infektuar…

Një polic i burgut ka rezultuar pozitiv me koronavirus. Efektivi mësohet se kishte të infektuar më parë gruan dhe djalin.

Sipas gazetares Klodiana Lala, polici është vetëkarantinuar bashkë me familjen. Ndërkohë mësohet se janë testuar 12 kolegë të tij, pasi kanë pasur kontakte me të.

Thuhet se polici nuk kishte kontakte të drejtpërdrejta me ambientet e burgut pasi merrej me librat e shërbimit.

Ndërkohë një polic i burgut të Reçit në Shkodër ka rezultuar negativ, megjithëse familjarët e tij kanë qenë të infektuar. Janë testuar 5 kolegë të tij, të cilët kanë rezultuar gjithashtu negativ, por megjithatë janë vetëkarantinuar.