Presidenti i vendit, Ilir Meta ka përkujtuar ikonën e këngës shqiptare, Vaçe Zela në ditën e saj të lindjes. Nëpërmjet një postimi në facebook, kreu i shtetit thekson se vepra dhe trashëgimia e këngëtares së madhe flet më shumë se çdo gjë tjetër, ndërsa ka përshëndetur qytetarët me këngën “Rrjedh në këngë e ligjërime”, që ka kënduar Vaçe Zela.
Këngëtarja e madhe e skenës shqiptare lindi në Lushnje në 7 prill 1939. Ajo ndërroi jetë më 6 shkurt të 2014 në Bazel, pas një sëmundje.
POSTIMI I PLOTË I ILIR METËS:
Sot është ditëlindja e mbretëreshës së përjetshme të këngës shqiptare, Vaçe Zela, Nderi i Kombit.
Vepra dhe trashëgimia e saj e pasur flet më shumë se çdo gjë tjetër.
Ndaj dëshiroj t’i përshëndes të gjithë shqiptarët me një nga perlat e saj!
I përjetshëm kujtimi i kësaj koloseje të këngës dhe kulturës shqiptare! ?? ?
