LIGJET E BIZNESIT
Ministrja për Marrëdhëniet me Parlamentin, Elisa Spiropali, në një intervistë për emisionin “Në Fokus”, ka dhënë detaje të paketës me të cilën qeveria synon të mbështesë bizneset e mesme dhe të mëdha që janë prekur nga kriza e COVID-19.
Ministrja Spiropali tha se qeveria do e mbështesë biznesin e mesëm dhe atë të madh, nëpërmjet kredive lehtësuese.
Zëdhënësja e qeverisë tha se zbatimi i kësaj pakete do të nisë shumë shpejt, por shtoi se biznesi i madh duhet t’i dalë për zot punonjësve dhe të mos i heqë nga puna, pasi ka para të akumuluara.
“Në paketë parashikohet fondit për garancinë sovrane në mënyrë që biznesi i mesëm ose i madh të marrë kredi për të paguar punonjësit. Është e rëndësishme që biznesi i madh ta ndjejë peshën e përgjegjësisë në këtë situatë dhe të marrë përgjegjësitë e veta. Jam e sigurt që një pjesë e biznesit të madh ka para të ruajtura për këtë ditë të zezë. Nuk duhet të heqë nga puna njerëzit, por t’u dalë për zot”, tha ajo.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
