Situata e koronavirusit në Shqipëri/ Gazment Bardhi: Do të publikojmë të dhëna tronditëse

Sekretari i Përgjithshëm i Partisë Demokratike, Gazment Bardhi i ftuar në emisionin “Ilva Now” ka folur në lidhje me akuzat që selia blu ka bërë ndaj mazhorancës, të cilën e sulmon se po shpërdoron paratë e shqiptarëve në këtë kohë pandemie.

Bardhi theksoi se Partia Demokratike do të dorëzojë padi në SPAK, ndërsa shtoi se në ditët në vijim do të publikohen fakte tronditëse, që sipas tij, tregojnë se si qeveria po e përdorë këtë pandemi për të vjedhur shqiptarët.

Deklarata:

“Së pari nuk i klasifikojmë ne si tendera sekretë, por i klasifikon qeveria. Ajo që ne kemi kërkuar gjatë kësaj periudhe është që qeveria të bëjë transparencë, në të kundërtën e kërkesës tonë, qeveria ka vendosur që çdo tender publik të realizuar për çështje që lidhen me pandeminë, ka vendosur t’i klasifikojë si tendera publik që lidhen me pandeminë t’i klasifikojë si tendera sekretë shtetëror dhe të mos bëjë publik as oferta, as çmimet dhe as ofertat e lidhura. Do të këtë padi në SPAK për çdo parregullsi që ne kemi denoncuar. Më duhet të konfirmoj gjithashtu se denoncimet tona nuk kanë përfunduar. Në ditët në vijim do të njiheni me fakte tronditëse, se si qeveria po e përdor këtë pandemi për të vjedhur shqiptarët.”