Si lindi karantina? Rama kujton shpikjen e shkencëtarit arab Avicenna

Në këto 2 muajt e fundit, fjala karantinë është një nga më të përdorurat, edhe pse jo çdo kush ia di kuptimin.

Për të ndihmuar në këtë drejtim ka menduar si gjithmonë kryeministri Edi Rama.

Përmes një postimi në rrjetin social facebook, Rama ka postuar një historik të shkurtër të kësa shpikje mjekësore, që mban autorësinë e shkencëtarit arab, Avicenna.

Më tej kryeministri nuk nguron të citojë librin e shenjtë të myslimanëve, Kuranin, duke treguar se këtë periudhë po e shfrytëzon për të marrë dije edhe në drejtimin teologjik.

Postimi i Ramës:

JA SI LINDI KARANTINA

Studiuesi persian i mjekësisë, Ibn Sina (980-1037), dyshoi se disa sëmundje përhapeshin nga mikroorganizmat! Për të parandaluar infektimin nga njeriu tek njeriu, ai shpiku metodën e izolimit të plotë të njerëzve për 40 ditë. Këtë metodë e quajti al-Arba’iniya -“Dyzeta”.

Tregtarët nga Venediku kishin dëgjuar për metodën e tij të suksesshme dhe e sollën atë në Itali. E quajtën “Quarantena” (“Dyzeta” në italisht). Kjo është edhe fillesa e fjalës “karantinë”. Kurani i Shenjtë thotë: “Kush shpëton një jetë njerëzore, është njësoj si të ketë shpëtuar të gjithë njerëzimin” (5:32). Ende sot, metoda e Ibn Sina-s shpëton jo mijëra, po ndoshta miliona jetë.

Emri i plotë i Ibn Sina-s ishte Abu Ali Al-Hussein Ibn Abdullah Ibn Sina. Në perëndim e njohin edhe me versionin latin të emrit të tij: Avicenna