Si do të bëhet plazhi këtë vit? Ministri Klosi zbulon detajet e forta: Çadra nga çadra duhet të kenë distancë…

Mbrëmjen e djeshme ministri i Turizmit Blendi Klosi ka treguar se kur mund të nisë sezoni turistik në Shqipëri dhe si do të bëhet plazhi në kohën që vendi ende është i prekur nga pandemia e COVID19.

I ftuar në programin “Open”, Klosi është shprehur se këtë vit do të bëhet plazh por natyrisht me rregulla të reja.

“Ka disa masa që po merren. Do ketë një rregullore të re. Do ketë disa kushte në mënyrë që ato që shkojnë për pushime të mos kthehen në vatra infektimi”, u shpreh ai.

Gjithashtu Klosi nuk la pa përmendur dhe disa nga masat e reja ku deklaroi se cadrat duhet të jenë në një distancë jo më pak se 3.5 metra larg njëra-tjetrës.

“Higjena- Higjena është parësore. Një ndër gjërat që do ndalohen bufetë e hapura. Duhet të kenë hapësira shumë të detajuara. Në tavolinë mos të ketë më shumë se 2-4 persona. Si fillim të hapen restorantet në natyrë. Çadra nga çadra duhet të kenë distancë 3.5 metra dhe një distancë nga deti.  Trajnimi i stafit. Tani duhet që stafi i punës në plazhe dhet të jenë të trajnuar për mënyrën e sjelljes ndaj një situate të tillë”, tha ministri në studio.