Shpërthejnë në flakë makinat e ish-kryetarit të gjykatës në Elbasan dhe gruas së tij/ Policia zbardh detaje

Pamjet që shihni vijnë nga vendi i ngjarjes në Elbasan, ku dy mjete në pronësi të ish-kreut të Gjykatës së Elbasanit, Arben Vrioni, janë përfshirë nga flakët.

Ngjarja ndodhi në Bulevardin “Aqif Pasha” pranë stadiumit ‘Elbasan Arena’. Siç shihet edhe në videot e siguruar për ‘BalkanWeb’ nga gazetari Fatmir Popja, mjetet janë perfshirë nga flaket, madje dhe kanë ‘shpërthyer’. Mësohet se makinat kanë qenë të parkuara rreth 50 metra larg njëri-tjetrit, çka për policinë ka dyshime se ngjarja është e qëllimshme. Pamjet e frikshme kanë terrorizuar banorët e zonës, të cilat kanë njoftuar menjëherë policinë.

Njëri prej mjeteve, ishte në përdorim të bashkëshortes së tij. Gjatë karrierës së tij, Vrioni ka pasur dosje të bujshme, siç është dhe ajo e lirimit të ish-kreut të Bandës së Durrësit, Lulzim Berisha.

Aktualisht policia po heton në lidhje me ngjarjen e rëndë./BalkanWeb

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern