Shkon në 25 numri i viktimave nga koronavirusi, ndërron jetë i moshuari në Spitalin Infektiv

Ka shkuar në 25 numri i viktimave nga koronavirusi në Shqipëri.

Mësohet se sot në mëngjes ka ndërruar jetë një pacient 90-vjeçar nga Fieri, i cili ndodhej në Spitalin Infektiv, i intubuar prej 11 ditësh.

I ndjeri vuante dhe nga sëmundje të tjera bashkëshoqëruese, si diabeti, astma bronkiale dhe hipertensioni.

Me anë të një njoftimi zyrtar, zv.ministrja e Shëndetësisë Mira Rakacolli bëri të ditur se gjatë 24 orëve të fundit janë konfirmuar 19 raste të reja me COVID19 në vendin tonë.

Deri më tani numri i personave të infektuar ka shkuar në 494 dhe i të shëruarve në 251.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern