Ka shkuar në 22 numri i viktimave nga koronavirusi në Shqipëri.
Mësohet se një pacient 90-vjeçar ka ndërruar jetë në spitalin Infektiv.
Sipas informacioneve ai vuante dhe nga disa sëmundje bashkëshoqëruese.
Ministria e Shëndetësisë njofton se 90-vjeçari ishte i prekur edhe nga COVID19 dhe vuante nga disa sëmundje bashkëshoqëruese (tromboemboli pulmonare, diabet mellitus, hipertension).
Pacienti ndodhej i shtruar prej 5 ditësh në spitalin Infektiv në gjendje të rëndë shëndetësore.
Sipas mjekëve që e kanë trajtuar gjatë gjithë kësaj kohe, shkaku i vdekjes së 90-vjeçarit është tronboembolia pulmonare.
