Kanë dalë detaje të reja përsa i përket sherrit mes aktorëve të Portokallisë Ledio Lako dhe Gentian Hazizi.

Të dy ata janë konfliktuar mbrëmjen e djeshme në Tiranë. Ndërkohë që policia ka zbardhur edhe ngjarjen.

Sipas njoftimit zyrtar të uniformave blu, Lako, i njohur me rolin e Kapo Kapllanit ka goditur me përforcues grushti, metalik, Gentian Hazizi dhe Elton Myftiu.

Pas përplasjes, policia ka ndërhyrë dhe ka shoqëruar të dyja palët dhe ndaj Lakos ka nisur menjëherë procedimi penal.

“Më datë 27.04.2020, u referuan materialet në Prokurorinë pranë Gjykatës së Shkallës Parë Tiranë, për shtetasin Ledio Lako, 40 vjeç, banues në Tiranë, me arsim 16 klasë, sepse në orën 12:15, në bulevardin ‘Gjegj Fishta’, ka goditur me përforcues grushti, metalik, shtetasit Gentian Hazizi dhe Elton Myftiu.

Përforcuesi metalik, u sekuestrua në cilësinë e provës materiale’, bën të ditur policia.