LIGJET E BIZNESIT
Deputetja e opozitës së re Rudina Hajdari ishte e vetmja deri më tani që shkeli rregullat e vendosura sot duke folur nga foltorja e Kuvendit.
Gjatë fjalimit të saj ajo hodhi akuza kundër qeverisë dhe kryeministrit Edi Rama dhe u shpreh se këto kohë po vihet re një pabarazi e theksuar.
Ndër të tjera Hajdari u shpreh se fjala e vetme më e përdorur nga kryeministri Edi Rama është burg, por sipas saj e vetmja gjë që ai duhet të bëjë është të fusë në burg pushtetarët që kanë zhvatur popullin e vetë jetojnë në luks.
“Një krizë e kësaj natyre të bën të reflektosh për gjërat më të rëndësishme në jetë.
Ajo që bie në sy më shumë sesa kurrë sot është pabarazia ndërkohë që sot kryeministri thotë se sdo jesh kurrë vetëm ndërkohë që sot jemi më vetëm se kurrë.
Një familje që ushqehej nga një dyqan i lagjes iu dha një lëmoshë. Edhe ju sot jeni vetëm. Po ashtu edhe një familje e cila me pagat e bashkëshortëve që punojnë në një biznes të madh janë pa punë. Sepse gjenden me këstin e shtëpisë të pashlyer. Ju e dini se këto kredi nuk po shtyhen se bankat nuk duan t’ja dinë çfarë thotë kryeministri.
Ndihma që jep qeveria nuk kalon as pragun e varfërisë. Sikur ky realiteti hidhur të mos mjaftonte sot kryeministri në çdo ekran e tv, ai u thotë juve se do tju burgosë, ju kërcënon çdo ditë me burgopsje. Ky është turpi më i madh që ka ndodhur ndonjëherë. Ndërkohë që e gjithë bota sot këshillon që qytetarëve tu jepet shpresë ky kryeministër, ka përdorur fjalën burg 674 herë. Burgu për të është zgjidhja e vetme për çdo krizë.
Ka ardhur koha që burgjet të hapen, të fusim në burg pushtetarët që kanë abuzuar me pushtetin e tyre dhe kan zhvatur popullin nga pasuria kombëtare, ndërsa vetë jetojnë në luks si sheikë”, u shpreh Hajdari.
