Një lajm tragjik është bërë me dije nga kryeministri italian, Xhuzepe Konte vetëm pak minuta më parë.
Përmes rrjetit social facebook, Konte ka njoftuar se është ndarë nga jetë gardisti i tij, Giorgio Guastamaçia. Ky i fundit që shërbente në personelin që kujdesej për sigurinë e kryeministrit italian, ishte infektuar pak ditë më parë COVID-19 dhe për fat të keq nuk ia doli dot ta fitonte këtë betejën me vdekjen.
Efektivi i gardës italiane ishte shtruar prej disa ditësh në spital në Romë, por kishte shfaqur komplikacione të rënda dhe mbajtja e tij në jetë ishte e pamundur.
