Riatdhesimet/ Ministrja Balluku bën njoftim e rëndësishëm për të gjithë shqiptarët që duan të kthehen: Pas Italisë, e kanë radhën këto dy shtete

Në një lidhje të drejtpërdrejtë me në emisionin “Opinion”, Ministrja e Infrastrukturës Belinda Balluku, shpjegoi procedurën që do të kryhet përmes rezervimit online për të gjithë shqiptarët që duan të kthehen dhe tha se prenotimet do të nisin që ditën e enjte në orën 10:00.

Më tej Ministrja bëri më dije se në vijim do të kryhen fluturime edhe nga vende të tjera të botës, varësisht rezervimeve që do të kryhen nga qytetarët shqiptarë.

Deklarata e Ministres Balluku:

“Prenotimet do të fillojnë që ditën e enjte në orën 10:00. I gjithë mekanizimi është i sigurt për të sjellë qytetarët që kërkojnë të riatdhesohen, por duke ruajtur nivelin e masave. Ne do të udhëtojnë në të gjitha destinacionet në të cilat do të ketë kërkesa për të riatdhesuar shqiptarë. Kemi përcaktuar dy destinacionet e para, Romë dhe Milano, por ndërkohë jemi duke përpunuar dy destinacione të tjera, Gjermania dhe Franca ku ka kërkesa të larta për riatdhesim”, deklaroi Balluku.

Ministrja tha se qytetarët do të qëndrojnë në karantinë në hotelet që do të rezervojnë dhe paguajnë vetë, ndërsa pohoi se operacioni nuk ka një afat skadence dhe do të vazhdojë sipas kërkesave të qytetarëve që duan të kthehen.