Rama jep një tjetër lajm të shumëpritur: Ja çfarë do të ndodhë nga 27 prilli

Në komunikimin e tij live me qytetarët kryeministri Edi Rama ka bërë me dije se javën e ardhshme duke filluar nga 27 prilli do të hapet edhe një bllok tjetër biznesesh të miratuara nga ekspertët.

Kreu i qeverisë ka njoftuar se lista e bizneseve do të publikohet në portalin E-Albania, ndërsa ka theksuar se do të kthehen në punë 27.589 punonjës të regjistruar..

“Të hënë më 27 prill hapet blloku tjetër i bizneseve, me protokolle të caktuara. Dua të analizojë dhe është shumë e rëndësishme është se protokollet duhen lexuar dhe zbatuar, pasi hapja vjen me risk.

Ne kemi mjete penalizuese, duke përfshirë edhe masat e reja të Kodit Penal që hyn në fuqi këto ditë, por fillimisht duhet të mendojnë për veten jo ndëshkimet. Duke mbrojtur njëri-tjetrin atëherë mund të hapemi. Hapja në të gjithë botën është një proces gradual dhe askush nuk e di si do të shkojnë gjërat. Të gjithë janë të përgatitur për t’u tërhequr nëse dinamika e epidemisë kap nivele negative. Do të publikohen sot që të marrin masat që të jenë në rregulla.

Lista e aktiviteteve që do të hapen do të publikohen në e-albania dhe çdo aktivitet ka Kodin e vetë përkatës. 27589 punonjësve të regjistruar, tregtim me pakicë e veshjeve, mallrave të tjera, tregtia me pakicë e këpucëve, tregtia me pakicë e mobiljeve, pajisjet e ndriçimit, tregtia me pakicë e luleve, e bizhuterive, e pajisjeve audio dhe video, qylymave, e lodrave, e pajisjeve sportive, e sistemeve të sigurisë dhe taksitë me një person brenda në diagonal”, tha Rama.

Ndërkohë theksoi se javën e ardhshme do të hapen edhe taksitë për të cilat ka një tërësi kërkesash specifike.