LIGJET E BIZNESIT
Një histori shumë prekëse është ajo që vjen nga Shtetet e Bashkuara të Amerikës.
Bëhet fjalë për një infermiere, e cila ka bërë një gjest të jashtëzakonshëm për të mbrojtuar babain e saj nga infektimi me COVID19.
Fakti që ajo ndodhej në vijën e parë të ‘luftës’, e bënte shumë të ekspozuar ndaj rrezikut të prekjes nga koronavirusi.
Për pasojë, ajo automatikisht rrezikonte dhe jetën e babait të saj.
Më vonë, mori një vendim që i ka prekur të gjithë.
Ajo hoqi dorë nga profesioni i saj për të mos vënë në rrezik jetën dhe shëndetin e babait.
Maria shpjegoi se asaj i duhej të përdorte një maskë për të gjitha turnet, por ajo e dinte shumë mirë që maska ishte e vlefshme vetëm 4 orë.
“Tani unë e di se ato maska zgjasin vetëm për katër orë.
Më duhej të kujtoja se unë kujdesem edhe për babanë tim, dhe babai im është një nga njerëzit shumë delikat që mund të infektohet kollaj dhe thjesht nuk u ndjeva rehat duke vazhduar turnin duke e ditur çfarë masash mbrojtëse më ofruan.
Kam qarë për rreth dy orë në makinën time, ndjeva se vendimi ishte kundër gjithçkaje në të cilën besoj. Kur hyra në këtë fushë duhej të ndihmoja njerëzit dhe të jepja më të mirën. Fakti që më është dashur të largohem, shkon kundër gjithçkaje që kaloj, por e dija se duhej ta bëja sepse nuk dua të jem përgjegjëse për infektimin e babait tim”, deklaroi infermierja e prekur.
