“Po përgatitemi për paketën më të madhe ekonomike”/ Ahmetaj jep lajmin e mirë

Ministri i emergjencës për koronavirusin Arben Ahmetaj në një intervistë për ”News24′‘ bëri me dije se qeveria po përgatitet për paketën e radhës më të madhen për rimëkëmbjen ekonomike.

Më tej Ahmetaj thekson se dy paketat e para ishin instrumente sovrane që biznesi ta kalonte këtë krizë kurse qeveria tashmë ka filluar punën për paketën e rimëkëmbjes ekonomike.

Ministri rikujton se qeveria ka ndihmuar biznesin dhe qytetarët si nga ana e mbrojtjes së jetëve së qytetarëve por edhe ekonomikisht duke u shprehur se nëse nuk do ishte ndërhyrë atëherë Shqipëria do ishte si Italia ose edhe më rëndë.

”Sapo përmenda dy instrumenta, dhe në kohë kjo është kohë tjetër dhe në kohët e qoftëlargut qeveria nuk merrte dot përsipër 100% dhe jo më një kohë si kjo. Punëdhënësit kanë punë tjetër, punëmarrësit tjetër, qeveria ka detyrë të gjendet në këtë situatë. Nëse nuk di ishte gjendur do kishim situatë të tmerrshme atëhere ajo që ishte në Itali do ishte këtu dhe më shumë.

Paketa është dinamike, është dinamike se do ketë një më të madhe të të gjitha kohërave për rimëkëmbje ekonomike.

Paketa 1 është instrumenti sovran, koston e merr shteti. Instrumenti 2 është për mjete xhiro dhe relaksime. Dhe që biznesi të kalojë këtë betejë.

Beteja është të shpëtojmë jetë qytetarësh që të kalojmë këtë moment super të vështirë dhe në anën tjetër me instrumentat që kemi në dorë të lehtësojmë sado pak dhe që të përgatitemi për paketën e rimëkëmbjes ekonomike që në këtë godinë ka filluar puna tashmë. ”- deklaroi Ahmetaj.