“Po nuk dolëm na ndryshken bulonat”, pensionistët mbushin rrugët e qyteteve

Ashtu si javën e shkuar edhe këtë të shtunë, mëngjesi ka qenë i dedikuar për pensionistët.

Dyshe dyshe ata kanë dalë në rrugët dhe parqet e qyteteve kryesore, duke përfituar nga kjo leje e qeverisë për të marrë ajër të pastër, por edhe për të kryer pak aktivitet fizik.

Pikërisht për këtë të fundit, një i moshuar në Fier i tha report tv se është shumë i nevojshëm për këtë grupmoshë.

“Vështirë e kemi patur se mosha jonë po nuk lëvizi i ndryshken bulonat. Duam pak lëvizje. Natyrisht kjo hapje duhet bërë hap pas hapi, se një pakujdesi si në rastin e Krujës e tregon, një pakujdesi në transport dhe u bë vatër”, u shpreh i moshuari.