“Po luhet diçka e madhe”/ Rama flet për teorinë konspirative të 5G-së dhe lidhjen me koronavirusin

Kryeministri Edi Rama në një komunikim me qytetarët ka komentuar edhe një prej teorive konspirative që qarkullon në rrjetet sociale, se pandemia është hedhur nga Kina për të sjellë izolimin, që më pas të instalohen antenat 5G.

Kreu i Qeverisë Edi Rama theksoi se kjo është një nga idiotësitë më të mëdha që është dëgjuar që në kohën kur ka nisur pandemia dhe se teori të tilla konspirative duhet të lihen menjëanë.

Deklarata e Kryeministrit Rama:

“Nuk jemi robotë siç bëni disa nga ju të zgjidhni të gjitha. Disa nga ne biles keni arritur, që ju keni zgjidhur misterin e kësaj epidemie, duke ia lënë 5G-ës janë ca këtu shkruajnë: Ndërkohë që bëhet kjo, po luhet diçka e madhe se po instalohen antenat 5G. Unë se di çfarë është kjo, por është idiotësia më e madhe që kur ka nisur kjo hata këtyre anëve. Idiotësia më e madhe e dëgjuar këtyre anëve që kur ka nisur kjo hata. Aman ju lutem mos u merrni me këto teori idioteske.”, u shpreh Rama.