LIGJET E BIZNESIT
Një debat i fortë ka ndodhur së fundmi në lidhje me bizneset dhe situatën që ka shkaktuar pandemia e koronavirusit në ekonomi.
Mbrëmjen e djeshme në një studio televizive, edhe pse biznesi që ai drejton nuk është mbyllur, sipërmarrësi Nikollaq Neranxi u shpreh se nuk do që të paguajë asnjë taksë, për sa kohë qeveria thotë se jemi në luftë.
Këto fjalë sollën dhe reagimin e biznesmenit Luan Bregasi, që u shpreh se këto kohë ka patur biznese që kanë fituar më shumë se në dy muajt e fundit.
Por kjo nuk u prit mirë nga Neranxi, i cili iu drejtua Bregasit duke thënë se e kishte sjellë qeveria.
PJESE NGA DEBATI MES TYRE:
Bregasi: Unë them që ka biznese që kanë fituar gjatë kësaj periudhe, pasi ka qenë të hapura.
Neranxi: Kemi qenë në luftë. Vetëm ushqimoret kanë qëndruar të hapura. Kanë punuar dhe jo fituar.
Bregasi: Kanë fituar pasi njerëzit kanë blerë, kanë qëndruar në radhë për të blerë, kam qëndruar edhe unënë radhë. Ata kanë fituar dhe duhet të paguajnë taksa.
Neranxi: Nuk bie dakort me ty. Nuk kemi fituar dhe skemi pse paguajmë taksa. Të ka sjellë qeveria aty. Ke hapur biznes në kohën e rilindjes.
Pas kësaj mosbindje të biznesmenit, ka ardhur dhe reagimi i parë nga qeveria.
Zv.kryeministri Erjon Braçe, thekson se pagesa e taksave duhet bërë patjetër nga bizneset që janë hapur dhe aq më tepër si ai i Neranxit, që klasifikohet te kategoria VIP.
Ndërkohë Braçe e paralajmëron Nikollaq Neranxin, se do të mbajë përgjegësi ligjore.
“ZOTERI BIZNESMEN VIP!E cmoj shume cdo sipermarres qe ka mbajtur punen hapur, ka mbajtur punetoret, ka garantuar sigurine sanitare per ta, i ka paguar per punen apo ka paguar rrogat e punetoreve edhe pse pa pune! I jam shume mirenjohes gjithkujt qe ka bere kete mes sakrificash! Por nuk mirekuptoj kerkend qe ka punuar, ka rritje te aktivitetit, xhiros, fitimit doemos dhe ben thirrje: MOS PAGUAJ TAKSAT!
Pagimi i tatimeve e taksave nuk eshte fakultativ por detyrim i qarte ligjor! Pra, buron nga ligji, asfare nga deshira e cdokujt ne treg apo qeveri, per me teper nuk varet hic nga fakti se sa biznesmen i madh je! Kush shkel ligjin fiskal, padiskutim pergjigjet ligjerisht! Por ka edhe nje aspekt tjeter kete rradhe, aspekti moral; KUR FITON EDHE NE NJE KOHE SI KJO, KE DETYRIM EDHE ME SHUME TE PAGUASH TATIM MBI FITIMIN TEND, TVSH QE QYTETARI PAGUAN PER BUXHETIN E QE TI E MBLEDH, TE PAGUASH CDO DETYRIM TJETER QE LIGJI KA PARAPARE!”, shkruan Braçe.
