Plagosja që tronditi Tiranën/ I riu i nxjerr pistoletën efektivit të Shqiponjave, polici e qëllon në këmbë, e pëson dhe 1 kalimtare

Vijojnë të dalin detaje të tjera tronditëse në lidhje me ngjarjen e ndodhur sot në zonën e Xhamllikut, pranë shkollës “Niket Dardani” në Tiranë.

Mësohet se si pasojë e të shtënave me armë zjarri janë plagosur dy persona, të cilë janë dërguar në spital dhe ndodhen jashtë rrezikut për jetën.

Ndërkohë drejtori i Policisë së Tiranës Rebani Jaupi, në një prononcim për mediat ka shpjeguar të gjithë ngjarjen dhe atë që ka ndodhur.

“Në zonën e Xhamllikut, kanë qenë disa persona duke qarkulluar dhe një punonjës policie i cili pyet qytetarët. Punonjësi i Forcave Shqiponja i është afruar qytetarit për ta pyetur pse ndodhej jashtë në këto momente, por ka pasur kundërshtim nga qytetari i cili s’ka pranuar të japë mjetin e identifikimit dhe në këto momente ka nxjerrë nga canta një armë zjarri.

Polici e paralajmëron të ulë armen nderësa ai i ka drejtuar armën dhe i thotë policit se do ta qëllojë nëse s’ largohet.
Polici i është kundërpërgjigjur duke qëlluar dhe agresori është plagosur në pjesën e poshte të trupit, në këmbë. Në afërsi të kësaj skene ka qenë një qytetare e cila po ashtu ka marrë nje plumb në këmbë” deklaroi Jaupi.