Pjesë e dosjes së bujshme “Vol-vo 4”/ Arrestohet 52-vjeçari nga Tirana, ishte në kërkim

Paraditen e sotme në prangat e policisë ka rënë një 52-vjeçar, i cili ishte shpallur në kërkim në kuadër të operacionit “Vol-Vo 4”.

Sipas të dhënave të publikuara nga uniformat blu, i arrestuari është shtetasi me iniciale Q.M 52 vjeç, banues në Tiranë.

Personi ishte shpallur në kërkim nga Departamenti i Policisë Kriminale në Policinë e Shtetit, në tetor të vitit 2018, në kuadër të operacionit policor Vol-Vo 4.

NJOFTIMI ZYRTAR I POLICISE

Në vijim të punës për kapjen e personave të shpallur në kërkim, specialistët për Hetimin e Krimit Ekonomik e Financiar në DVP Tiranë, kanë bërë kapjen e shtetasit Q. M., 52 vjeç, banues në Tiranë, person i shpallur në kërkim nga Departamenti i Policisë Kriminale në Policinë e Shtetit, në tetor të vitit 2018, në kuadër të operacionit policor Vol-Vo 4.

Gjykata e Shkallës së Parë për Krime të Rënda Tiranë ka caktuar masën e sigurimit personal “Arrest në burg” për shtetasin Q. M., pasi dyshohet se ka kryer veprën penale “Korrupsioni pasiv i funksionarëve të lartë shtetërorë ose i të zgjedhurve vendorë”.

Materialet i kaluan Prokurorisë, për veprime të mëtejshme.