Përdorues kujdes! Whatsapp bën ndryshimin e papritur për mesazhet

Një ndryshim i ri është ai që ka përfshirë së fundmi aplikacionin e Whatsappit.

Ai lidhet me kontrollin që i është shtuar mesazheve private që mund të shpërndajnë dezinformata në lidhje me pandeminë e koronavirusit.

Ky lajm u bë me dije dje, por që sot mesazhet që identifikohen si “shumë herë të dërguara”, pra mesazhet e bëra pesë ose më shumë herë forëard, do të mund të përcillen vetëm te një person.

Kjo masë është vendosur për të zvogëluar shpejtësinë me të cilën lëviz informacioni, duke vendosur një balancë mes lajmeve të rrema dhe të vërteta.

“Ne e dimë që shumë përdorues përcjellin informacione të dobishme, si dhe video qesharake, meme dhe reflektime ose lutje që ata i konsiderojnë kuptimplota. Javët e fundit, njerëzit kanë përdorur WhatsApp-in për të organizuar momente publike të mbështetjes për punonjësit e shëndetit.

Sidoqoftë, kemi parë një rritje të konsiderueshme të sasisë së dërgimit për të cilën përdoruesit na kanë thënë se ndjehen të lodhur dhe mund të kontribuojnë në përhapjen e dezinformatave. Ne besojmë se është e rëndësishme të ngadalësoni përhapjen e këtyre mesazheve për të mbajtur WhatsApp-in një vend për bisedë personale”, thuhet në njoftimin e kompanisë.