LIGJET E BIZNESIT
Mbrëmjen e djeshme janë rikthyer lëkundjet sizmike në vend.
Një tërmet me magnitudë 3.4 i shkallës Rihter me epiqendër në Derven të Fushë-Krujës, 13 km në veri-perëndim të Shijakut dhe 32 km larg Tiranës, ka shkaktuar panik te qytetarët.
Të frikësuar, ata kanë tentuar të lënë dhe banesat nga frika e ndonjë pasgoditjeje të mundshme.
Në lidhje me këtë gjë ka folur dhe inxhinierja e njohur Luljeta Bozo.
Ajo u ka thënë njerëzve të qëndrojnë të qetë dhe të rrinë brenda.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu inxhinierja ka dhënë përgjigje për pyetjen se kur do të zgjasin këto lëkundje.
“Është një pasgoditje normale dhe njerëzit nuk kanë pse të shqetësohen nëse janë në shtëpi të rregullta.
Po ata që kanë patur probleme nga tërmeti i 26 nëntorit varet nga dëmet. Ka mbaruar tashmë vlerësimi i dëmeve, nëse dëmet janë serioze dhe janë futur brenda pa u riparuar, nuk e di se si… sepse pasgoditjet e agravojnë gjendjen.
Për mua, mirë është që në momentin që bie tërmet njerëzit mos lëvizin nga vendi se më shumë ngatërrohen. Në momentin që mbaron dil përjashta por në momentin që bie, s’ke kohë të lëvizësh, aq më tepër të futesh nëpër ashensore. Me këtë intensitet nuk ka rrezik. Edhe 4 rihter nuk i bën gjë strukturave të sigurta”, tha Bozo për News 24 teksa bëri një parashikim se deri kur mund të vazhdojnë pasgoditjet.
“Nga përvoja ime, tërmeti i 79-ës ka zgjatur 6 muaj, ishte më i fortë dhe më i thellë. Do njëfarë kohe, 7-8 muaj. Nga eksperienca se asnjëherë nuk i dihet”, deklaroi Bozo.
