Paralajmërohet kryebashkiaku? Publikon fotot dhe denoncon: Më çarë gomat e makinës dhe këputur frenat

Edhe pse policia ende nuk ka një njoftim zyrtar të rastit, në faqen zyrtare të Bashkisë së Finiqit në Facebook, denoncohet rasti në fjalë.

Kryebashkiaku denoncon se disa persona i kanë çarë gomën e makinës dhe i kanë prerë frenat e automjetit. Goma e çarë u konstatua nga vetë Kristaq Kiço, ndërsa prerja e kabllove të frenave u zbulua 4 ditë në vonë.

Makina ishte e parkuar jashtë banesës së tij dhe ai pretendon se ajo është hapur pa e dëmtuar. Në postimin në Facebook thuhet ndër të tjera se në raportin e policisë shkruhet se kemi të bëjmë me një ngjarje me qëllime kriminale.

Kryebashkiaku i Finiqit shkruan se makina ka qenë e parkuar jashtë shtëpisë në qytetin e Sarandës, ndërsa personat pergjegjës vetëm kanë çarë gomat dhe këputur frenat e janë larguar. Kjo ka ngritur dyshime për qëllimin e tyre pasi mjeti nuk është dëmtuar apo hapur me dhunë.